Përshëndetje! Ne jemi Gerson Blloshmi dhe Lutjana Mema, infermierë të diplomuar në Universitetin e Tiranës, Fakultetin e Shkencave Mjekësore Teknike.

Pas përfundimit të studimeve, ndoqëm kursin e gjuhës gjermane pranë DEKRA Akademie, i cili u bë çelësi ynë për të ndërtuar një karrierë në Gjermani. Sot, pas gati dy vitesh, jemi të punësuar në Kliniken Südostbayern, Bad Reichenhall, duke realizuar ëndrrën tonë profesionale dhe personale.

Sigurisht, rruga nuk ka qenë e lehtë, përshtatja, sfidat e gjuhës dhe procesi i njohjes së licencës kërkuan përkushtim dhe durim. Por fakti që e përjetuam këtë eksperiencë bashkë e bëri çdo sfidë më të përballueshme.

Një falënderim i veçantë shkon për mësuesen tonë Arjolën, e cila ka qenë një mbështetje kyçe për ne, nga hapat e parë e deri më sot. Me përkushtimin, profesionalizmin dhe mbështetjen e saj të pakushtëzuar, ajo na ndihmoi të arrijmë objektivat tona.

Faleminderit DEKRA Akademie dhe gjithë stafit të saj për ndihmën dhe mbështetjen në këtë rrugëtim!